Viral an paghihilingan ninda Rovelyn Baterbonia, an ina kan nagadan nang student-athlete na si Rene Baterbonia, asin si Angelica Yulo, an ina kan two-time Olympic gold medalist na si Carlos Yulo.
Pinag-orolayan an duwang kontrobersyal na ina sa ngunyan matapos nindang ibahagi sa sarong social media platform an mga souvenir photos kan saindang paghihilingan, kun sain ipinahiling na maugma sindang nagkakakan sa sarong restaurant kaiba an iba pa nindang kaibahan.
Nagbahagi si Rovelyn nin sarong selfie kaiba si Angelica asin linagan ini nin pang-asar na caption na, “Basher attack”.
Sa saro pang set kan photos ni Angelica, mahihiling na nakangirit sindang duwa mantang nakapatong an kamot ni Rovelyn sa takyag ni Angelica asin nagkakakan.
Kanya-kanyang interpretasyon an mga netizens sa saindang paghihilingan.
Mientrastanto, nagin sentro man nin orolayan si Angelica huli sa grabeng iwal ninda kan aki niyang si Carlos kun sain mas pinaboran kaini an sa ngunyan niyang fiancée na si Chloe San Jose.
Ini an pinakaenot na pagkakataon na nagkita sinda nin personal.
