Nahihiling ni Rovelyn Baterbonia an aktres na si Dimples Romana na gaganap bilang siya kun sakaling madagos an planong pelikula manungod sa buhay kan saiyang nagadan na aki, an basketball player na si Rene Baterbonia.
Segun ki rovelyn, mayu ining pinangaranan kun isay an maganap na aktor sa saiyang aki, huli dae siyang gayung pamilyar sa dakul na artista.
Nagadan si Rene kan June 8 kaiba an kapwa basketball player kan Ateneo de Manila University na si Divine Adili sa sarong team-building activity sa Dipaculao, Aurora.
Poon kaidto, an pamilya Baterbonia asin an mga pangyayari katakod kan pagkagadan ni Rene ay padagos na nakakakua nin atensyon kan publiko.
Dae din nahaloy, kinumpirmar ni Senador Robin Padilla an planong pelikula manungod sa buhay ni Rene, kaiba an tugang kaini na si BB Gandanghari, na nakatalaang magdirek kan pelikula.
Mientrastanto, nakaulay naman ni Rovelyn si BB Gandanghari manungod sa pelikula asin script kaini, dugang pa an mga pagpepreparar na presenteng sinasagibo.
Tinawan-duon ni Rovelyn, na an planong pelikula tanganing ipabisto sa dakul na tawo, lalo na sa mga kaakian, an karakter asin pagkatawo ni Rene.
