Nagpapahiling an kampo ni VP Sara Duterte nin kumpiyansa sa saindang pagigin andam na atubangon an iba pang imbestigasyon, apuwera sa nagpapadagos na impeachment trial sa Senado.
Segun sa tagapagtaram kan bise presidente na si Atty. Paolo Panelo, andam an legal team ni VP Sara na atubangon an iba pang imbestigasyon na posibleng ipagibo kan arin man na investigating body laban saiya.
Kaiba digdi an posibilidad nin imbestigasyon na magpoon sa mga isyung nagluluwas sa impeachment trial arog kan mga financial issues.
Segun ki Atty. Panelo, nagdadanay an paninindugan asin posisyon ni VP Sara na mayo siyang ano man na ginibong sala sa laog kan saiyang karera sa public service poon kan siya nagserbe sa Davao bilang local chief executive, sagkod ngunyan na siya an bise presidente kan Pilipinas.
“Welcome” suboot an gabos na imbestigasyon na posibleng isagibo.
Naroromdoman na dati nang igwang naghain nin nagkapirang plunder asin criminal complaints laban sa bise presidente huli sa mga financial issues na suboot saiyang kinakaibahan.
An enot kaini ihinain kan Civil society leaders, church representatives, asin academics na sakop an plunder, bribery, malversation, asin graft.
Sinundan ini nin iba pang plunder asin criminal complaints na ihinain ni dating Sen. Antonio Trillanes IV.
