Pig-anunsyo ni Mayor Leni Robredo na an pagbilog nin sarong task force na tutukan an pagmonitor asin pagresponde sa mga posibleng insidente nin grass fire sa lugar.
Sa intrevista kan Bombo Radyo Naga kay Naga City Mayor Leni Robredo, sinabi kaini na an City/Municipal Disaster Risk Reduction and Management Office (CDRRMO) an mangengenot sa task force, mantang an mga miyembro kaini an ma-assign sa saindang kanya-kanyang opisina tanganing mas mapakusog an monitoring asin tulos na pagresponde sa mga insidente.
Kabali sa mga personahes na ma-assign an mga hali sa sektor nin agrikultura asin iba pang opisina kan lokal na gobyerno. Ininstruksionan an mga ini na magdanay na vigilante asin tulos na ireport an anuman na senyales nin kasulo, partikularmente sa mga lugar na masakit abuton.
Pig-iisip man kan lokal na gobyerno na maiimplementar an mas mahigot na pagbabawal sa nagkapirang aktibidad na posibleng magin kawsa kan paglakop kan kasulo, orog na sa mga hararayong lugar.
Tinawang-duon kan alkalde na importante an amay na paglikay asin marikas na pagresponde tanganing maibitaran na maggrabe an mga insidente asin maprotehiran an mga residente asin an saindang kabuhayan.
