Ipinahayag ni Presiding Officer Chiz Escudero an saiyang pagka-irita sa assisting counsel kan Prosecution matapos na dai tulos maibugtak an dokumentong ipinahiling ni House prosecutor Rep. Lordan Suan ki insurance firm executive Malu Salanguit.
Sa ika-35 aldaw kan impeachment trial, pinagngarana ni Escudero kun tano mayong kopya kan dokumentong ginagamit ni Suan sa pag-atubang sa testigo.
Hinimok niya si Suan na gamiton na sana an sadiring kopya asin ipahiling ini sa testigo kun dai tulos makua kan assisting counsel an dokumento. Giit ni Escudero, dapat nakapreparar na an assisting counsel para sa nasabing dokumento.
Kan mangyari an insidente, labi walong oras na an inihaloy kan impeachment proceedings. Uminabot man sa siyam na oras asin 25 minuto an kabilugan kan sesyon kan Oktubre 7, na nairehistro bilang pinakahalabang impeachment trial session laban ki VP Sara Duterte.
