Pig-insistir kan tagapagtaram kan defense team na si Atty. Michael Poa na dae dapat magtao nin konklusyon an sarong testigo sa korte, eksperto man ini o ordinaryong saksi.
Pagkatapos kan ika-38 aldaw kan impeachment trial ni Bise Presidente Sara Duterte, hinapot si Poa manungod sa testimonya ni financial forensic analyst Atty. Alexander Cabrera, na nagsuri kan mga financial record ni Duterte asin kan saiyang agom na si Atty. Manases Carpio poon 2022 sagkod 2025.
Segun ki Poa, pwedeng magpresentar nin propesyonal na opinyon an sarong expert witness base sa saiyang specialized na kaaraman.
Minsan siring, lininaw kan abogado na magkaiba an opinyon asin konklusyon.
Advertisement
Advertisement
