Pinawalang-sala kan Sandiganbayan Special Second Division si dating DOH Secretary Janette Garin sa kasong graft asin technical malversation, na konektado sa pagbakal nin bakunang Dengvaxia.
An kaso nagkakaigwa nin kontrobersyal na pagbakal kan P3.556 bilyong pisong Dengvaxia kan 2015, bilang parte kan school-based immunization program kan Department of Health.
Kaiba man na pinawalang-sala iyo sinda dating DOH Undersecretary Gerardo Bayugo, Undersecretary Kenneth Hartigan-Go, OIC Director Joyce Ducusin, asin dating Philippine Children’s Medical Center Executive Director Julius Lecciones.
Nagpahayag si Garin nin dakulang kaogmahan sa desisyon, na sinabing ini sarong kapangganahan bako sana para saiya kundi para man sa mga siyentista, doktor, asin eksperto sa salud na nagsuporta sa programa nin pagbabakuna.
Aniya, “Allow me to emphasize the fact na patuloy na naga-attend ang atin mga researchers, scientists, public health experts sa naging kasong ito. Naintindihan po namin na meron tayong mga anti-vaccine advocates, subalit hindi namin pwede pabayaan ang aming tungkulin and me, myself as an advanced trained vaccinologist, hindi rin po namin pwedeng talikuran ang pababakuna because vaccination saves lives. So again, natutuwa kami, this is a win not for me but for our scientists and public health experts.”
Nakiusap si Garin sa publiko na dai i-demonize an pagbabakuna huli sa kontrobersiyang idinulot kan Dengvaxia program.
Dugang pa niya, “We have been advocating for all vaccines. At ang aming pangpanawagan ay hindi wag i-demonize na intindihan natin meron mga anti-vaccine groups at nirerespetro natin ito. Sobalit hindi kami pwede numin to dahil ang pababakuna is actually saving a lot of lives.”
Idinugang niya na dapat mangibabaw an tamang impormasyon asin siyentipikong ebidensiya sa pag-urulay manungod sa mga bakuna, orog na sa kaligtasan asin proteksyon kan publiko kontra sa mga helang.
