Kinansela kan Philippine Airlines an saindang mga flight pasiring asin hale sa Riyadh, Saudi Arabia sagkod sa katapusan kan Nobyembre ngunyan na taon, huli sa mga pag-atake na nairehistro sa King Khalid International Airport.
An flight PR654 asin PR655 magdadanay na suspendido sagkod Nobyembre 29 ngunyan na taon, susog sa abiso na ipinaluwas kan airline company kan Lunes, Oktubre 12.
Dugang pa kaini, padagos man an airline sa pag-monitor kan kamugtakan kan operasyon asin seguridad kan saindang mga flight.
Konektado ini sa mga report kan pag-atake sa King Khalid International Airport kun sain apat na Pilipino an nauling lugadan sa insidente.
Advertisement
Advertisement
