Kinumpirma ni dating Department of Finance (DOF) Undersecretary Cielo Magno an saiyang planong dumalagan sa pagka-senador sa 2028 national elections.
Sa sarong forum kaiba an Filipino community sa Milan, Italy, ipinahayag ni Magno an saiyang planong dumalagan asin an mga programa na gusto niyang isulong kun maelehir sa Senado.
Binigyang-duon niya an pangangaipong bantayan an alokasyon kan pambansang budget, orog na an pondo para sa healthcare, tanganing masiguro na nakakaresibe an mga Pilipino kan tamang serbisyong medikal.
Nagpahayag man si Magno nin paghadit sa nagkapirang parte kan ipinapanukalang P7.2-trilyong pambansang budget para sa 2027, kaiba an sinasabing pagbawas sa pondo kan Philippine Health Insurance Corporation (PhilHealth) asin paglangkaw kan alokasyon para sa Local Government Support Fund (LGSF).
Nagsirbe si Magno bilang DOF Undersecretary para sa Fiscal Policy and Monitoring Group poon Agosto 2022 sagkod Setyembre 2023.
Natapos an saiyang panunungkulan matapos siyang magpahayag nin pagkontra sa rice price cap policy kan administrasyong Marcos.
