Pinangenotan ni Presidente Ferdinand Marcos Jr. an Joint National and Regional Peace and Order Council (NPOC-RPOC) Meeting para sa ikaduwang semestre kan 2026 tanganing talakayon an mga lakdang sa pagmantener kan katuninongan asin seguridad sa nasyon.
Ipinagboot kan Presidente sa mga ahensya na may kinaaraman asin lokal na gobyerno na higotan an seguridad sa mga eskwelahan asin magpaotob nin malinaw na proseso sa pagreport asin pagsimbag sa bullying, karahasan asin mga emergency.
Iminungkahi man ni Presidente Marcos na pag-adalan an eksperyensya kan ibang nasyon sa regulasyon sa paggamit kan social media kan mga kaakian.
Mientrastanto, iniulat na 55,375 persons deprived of liberty (PDLs) an napaluwas poon Enero sagkod Setyembre 2026 sa paagi kan mga serbisyong paralegal.
Tinalakay man sa meeting an pagpakusog kan police visibility, pagpaparikas kan emergency response asin pagpakarhay kan mga lakdang kontra sa krimen tanganing maprotektaran an mga komunidad asin mapagmantener an kaayusan sa nasyon.
