Posibleng magpaluwas nin resolusyon an Senado kasunod kan hamon kan Chinese Embassy sa mga mambabatas na ideklara bilang persona non grata si Chinese Ambassador to the Philippines Jing Quan huli sa saiyang mga pahayag kontra sa Pilipinas.
Segun ki Sen. Joseph Victor “JV” Ejercito, pinag-uurulayan na kan mga senador an posibilidad na magpaluwas nin resolusyon kasunod kan pahayag kan embahador na madali suboot na daugon kan China an Pilipinas kun magamit ini nin puwersa manungod sa isyu sa West Philippine Sea.
Sinabi kan senador na posibleng maghiro an Senado manungod sa isyu, alagad mayo pa nin pinal na desisyon sa nasabing resolusyon.
Iniladawan ni Ejercito bilang “very rude, hostile, and undiplomatic” an mga pahayag ni Jing, na nagsabing mas pinipili kan China an katuninungan sa ibong kan kakayahan kaining gumamit nin puwersa.
Para sa Senador, mas marahay na salidahan na kan Beijing an embahador kun seryoso ining pakarayon an relasyon kan duwang nasyon.
Dagdag pa kan senador, dai nakakatabang sa pagpakaray kan relasyon kan Pilipinas asin China an mga pahayag na lalo sanang nagpapalangkaw kan tensiyon.An isyu kasunod kan pangapodan kan nagkapirang mambabatas na ideklara si Jing bilang persona non grata, o ibilang ining dai katanggap-tanggap na representante kan China sa Pilipinas, huli sa saiyang mga nagin pahayag.
Mientrastanto, hinamon man kan Chinese Embassy an mga mambabatas na isulong an nasabing lakdang.
