Kinondenar ni dating Senador asin ngunyankan Department of Labor and Employment (DOLE) Secretary Francis Tolentino an nagin pahayag ni Chinese Ambassador to the Philippines Jing Quan, na suboot sobra na asin bakong angkop sa ugali nin sarong diplomat.
Suportado ni Tolentino an pagkondenar kan gobyerno asin an pagpaapod ni Presidente Ferdinand Marcos Jr. sa Chinese envoy tanganing panaguton sa saiyang mga pahayag.
Giit kan kalihim, tama sana na igalang ni Quan an Pilipinas asin an mga ley kaini, siring man an saiyang katungdan na manteniron an marhay na relasyon kan duwang nasyon bilang representante kan China.
Iminungkahi man ni Tolentino na pag-adalan kan Ministry of Foreign Affairs kan China an nagin pahayag kan saindang embahador.
Katakod kaini, sinang-ayunan man kan kalihim na pag-isipan an posibilidad na ideklarang persona non grata si Quan, kaiba an pangapudan na paghorophoropon kan diplomat an saiyang mga nagin pahayag.
Maroromdoman na dating senador si Tolentino asin nagin aktibo sa pagsulong kan mga isyu manungod sa West Philippine Sea (WPS).
