Nagtala nin historikong rekord an Filipino dance team na Legit Status Varsity.
Ini makalihis nindang makua an gintong medalya sa 18-and-Under Advance Category sa UDO World Finals.
Sinda an pinakaenot na Filipino team na nanggana sa nasabing torneo na ginibo sa Blackpool, United Kingdom.
An grupo, na binilog kan 2009 ni coach asin artistic director Vimi Rivera, igwa nin 23 na hoben na dancers.
Advertisement
Nagsasanay an grupo sa sarong Dance Studios sa Cubao, Quezon City.
An nasabing kapangganahan sarong dugang sa saindang mga naabot na tagumpay, kaiba an gintong medalya na nakua ninda sa Under-16 category asin silver medal man sa Adult MegaC Crew Division, siring man an SOAR Street Dance championship sa World Finals sa Manchester.
Advertisement
