Dai kabale an anom na nasyon hale sa Southeast Asia sa ika-75 Miss Universe pageant na gigibuhon sa Puerto Rico.
Kaiba digdi an mga nasyon kan Thailand, Vietnam, Indonesia, Malaysia, Singapore, asin Laos.
Saro sa mga rason kaini iyo an pagkaigwa nin iriwal kan mga nasyon sa mga executives kan pageant.
An nasabing dai pagbali hale sa Miss Universe Organization (MUO) na igwang iriwal sa Miss Universe Eastern, an rehiyonal na dibisyon na pinamamayuhan kan Miss Grand International founder na si Nawat Itsaragrisil.
Ipinagpiritan ni Raul Rocha kan MUO na an pagtao nin prangkisa sa Miss Universe Eastern para sa mga nasyon sa Southeast Asia bakong otorisado.
Lininaw kan MGI na padagos pa man giraray na gigibuhon kan anom na babae an saindang titulo asin responsibilidad sa saindang mga nasyon.
