Dai aakoon ni Acting Communications Secretary na si Lino Cayetano an courtesy resignation ni Palace Press Officer Claire Castro.
Kinumpirma ini ni Cayetano kan Biyernes, Oktubre 23, kun sain sinabi man niya na gabos na undersecretaries asin assistant secretaries kan Presidential Communications Office (PCO) an hinagad na magsumite nin courtesy resignations.
Dai nagtao nin timeline si Cayetano para sa paghiro sa iba pang resignations.
Sinabi kaini na an pag-evaluate kan saiyang grupo magigin sarong padagos na proseso imbes na sarong beses na reshuffle, na an ibang desisyon maabot sa laog nin pirang aldaw asin an iba pa sa laog nin pirang bulan.
Puro pag-omaw si Cayetano sa ‘combative style’ ni Castro sa pagsimbag sa mga isyu asin kinumpirma niya na gusto niya na padagos sindang duwa na magtrabaho nin magkaiba.
Nagpuon si Cayetano bilang pamayo kan PCO matapos ipaaram ni Presidente Ferdinand Marcos Jr. sa Singapore kan Oktubre 11 na saiyang riribayan si Dave Gomez, na an appointment dai naaprobaran kan Commission on Appointments..
Ini an ikatulong pagbabago sa liderato na parte si Castro poon kan siya naglaog sa PCO.
