Nagbagsak sa bagong historikong record low na P63.615 kontra US dollar an piso kan Pilipinas ngunyan na Biyernes, Oktubre 23.
Mas nagbaba pa ini hale sa dating record na P63.52 na naitala sana kan nakaaging aldaw, matapos magbagsak sa P63.62 sa tahaw kan intraday trading bago dikit na nakabawi sa pagsara kan trading.
Ini na an ikatulong sunod-sunod na aldaw na nagtala nin record low an pambansang kwarta asin ika-31 beses na nagbagsak sa pinakahababang lebel sa kasaysayan ngunyan na taon.
Inaasahan na magdudulot an padagos na depreciation kan piso nin paglangkaw kan gastos sa inangkat na krudo, paglangkaw kan inflation, asin pagkabigat kan bayadan kan nasyon sa mga utang na nasa foreign currency.
Sa ibong kaini, temporaryong makikinabang an mga pamilya kan overseas Filipino workers (OFWs) huli sa mas halangkaw na halaga kan conversion kan saindang remittance.
