UN nanawagan sa Iran asin US na pugulan an paggrabe kan mga iriwal

Nag-apelar giraray si United Nations chief Antonio Guterres,sa Iran asin US na pugulan an paglangkaw kan tensyon sa pagultanan kan duwang nasyon.

Idinugang niya na kritikal an halawig na pasensya asin an paghanap nin diplomatic solution tanganing malikayan an mas grabeng sitwasyon.

Nagpatanid si Guterres na magigin mas makulog an resulta kun pababayaan sana na sumiklab an giyera.

Nanawagan man siya para sa pagbalik kan navigational rights asin katalingkasan sa Strait of Hormuz, na uyon sa international law.

Pinuri man kan hepe kan UN an Egypt huli sa padagos kaining paghiro tanganing tuluyang matapos an kaguluhan.