Preparadong magtestigo giraray si Transportation Secretary Vince Dizon sa mga masunod na paglilitis manungod sa flood control scandal, kaiba an kasong kinakahampang kan dating Ako Bicol Party-list Representative Zaldy Co.
Segun ki Dizon, susunodon niya an arinman na kaipuhan kan Office of the Ombudsman tanganing maipagpadagos an mga kasong isinangat kontra sa mga personalidad na imbuelto sa sinasabing anomalya sa mga flood control project.
Huri nagtestigo si Dizon kan Setyembre 23 sa graft case ni Co manungod sa sinasabing iregularidad sa sarong proyektong nagkakantidad nin 289.4 milyong piso sa Naujan, Oriental Mindoro.
Personal man na siniyasat ni Dizon an nasabing proyekto asin sinabi niyang substandard an mga ginamit na sheet pile.
Advertisement
Advertisement
