Ipinahayag kan Malacañang na an P50-milyong pabuya, kaiba an pinakusog na operasyon kan pulisya asin paglangkaw kan kamalayan kan publiko, dakulang pagpapasadit sa kakayahan ni Senador Ronald “Bato” Dela Rosa na makahiro.
Nangyari ini mantang si Dela Rosa nag-aatubang sa arrest warrant hale sa International Criminal Court (ICC) huli sa kasong “crimes against humanity” konektado sa kampanya kontra ilegal na droga kan nakalihis na administrasyon.
Segun sa Philippine National Police (PNP), maingat nindang i naadalan an gabos na impormasyon na naresibe asin tulos na tinatawan nin aksyon an mga mapagkakatiwalaang lead.
Nagsayuma man an Palasyo na magtao nin detalye manungod sa saiyang kinamumugtakan o mga operasyon tanganing dai malaag sa peligro an mga impormante asin mga tauhan kan pulisya.
Nagtago si Dela Rosa makalihis kumpirmahon kan Ombudsman an warrant kontra saiya.
Sa ibong kan saiyang pagluwas sa Senado kan Mayo, kun sain dai siya naaresto, inako ni Interior Secretary Jonvic Remulla ngunyan na bulan na nagkulang siya sa pag-asikaso kan pag-aresto sa senador huli sa pag-laom niya sa sarong “gentleman’s agreement.”
