Padagos na nasa kritikal na kamugtakan an bistadong komedyante na si Gil Aducal Morales o mas bisto bilang Ate Gay puon kan idara ini sa emergency room kan Asian Hospital kan Oktubre 17.
Ini matapos siyang makamati nin septic shock asin acute respiratory failure secondary to pneumonia — sarong impeksyon na nakakaapekto sa paghangos asin blood circulation.
Sa ipinaluwas na pahayag kan pamilya ni Ate Gay kan Biyernes, sa presente yaon pa man giraray sa Intensive Care Unit (ICU) an komedyante.
Dati nang na-diagnose an komedyante nin mucoepidermoid squamous cell carcinoma, sarong pambihirang klase nin cancer.
Alagad kan Oktubre 29 sana, nakamati nin stroke an komedyante asin nagkaigwa nin danyos sa too na parte kan saiyang hutok.
Nangpudan an man giraray an pamilya kan komedyante para sa anuman na tabang-pinansyal na pwedeng iabot sa sainda.
Sinubukan na man daa ninda na maghagad nin tabang hale sa mga ahensya kan gobyerno, charities, asin mga pribadong indibidwal tanganing maipadayon an pagbulong sa komedyante.
Pinasalamatan na man kan pamilya ni Ate Gay an mga nagtao kan saindang mga tabang, pamibi, asin suporta.
