Andam na an lado kan mga biktima kan drug war na ihampang an saindang mga ebidensya asin witnesses sa paglilitis ki dating Presidente Rodrigo Duterte sa International Criminal Court (ICC) sa Nobyembre 30.
Ipinahayag ni Atty. Neri Colmenares, an legal counsel kan mga pamilya kan mga biktima nin extrajudicial killings, na an status conference ngunyan na Nobyembre 2 an ultimong oportunidad tanganing planuhon an mga detalye kan trial.
Nakapreparar na an saindang opening statements asin mga ebidensyang magpapatunay sa nagin papel ni Duterte asin sa epekto kan kampanya kontra droga sa buhay kan mga biktima.
Tinantya na nasa 60 sagkod 70 witnesses an pwedeng ihampang kan prosecution mantang igwa pang 52 stipulations an posibleng pagkasunduan kan magkabalyong lado.
Minsan ngani may limitasyon sa budget an legal team para sa pagduman sa Netherlands, sinigurado ni Colmenares na magkakaigwa pa man giraray sinda nin opisyal na representante sa pagdangog.
Idinugang man kan abogado na base sa independent medical assessment, an dating presidente fit na mag atubang sa paglilitis sa ibong kan posibleng pag-waive kaini sa saiyang pag-atender sa status conference.
