Coleman, nagtapos sa ika-7 puwesto sa women’s 200m breakstroke final

Nagtapos sa ika-pitong pwesto si Riannah Chantelle Coleman sa Women’s 200m Breaststroke Final kan Dakar 2026 Youth Olympic Games, matapos magrekord nin oras na 2:45.70, na mas marikas nin haros duwang segundo kumpara sa saiyang qualifying time na 2:47.64.

Sa ibong kan grabeng init kan panahon mantang ginigibo an kompetisyon, ipinahiling ni Coleman an saiyang determinasyon na tapuson an karera. Tulos man siyang tinawan nin medikal na atensyon matapos an saiyang paglangoy asin nagin marhay an saiyang kamugtakan.

Dai pa digdi nagtatapos an saiyang kampanya huli ta nakatalaan pa siyang sumabak sa Women’s 100m Breaststroke ngunyan na Nobyembre 3 asin Women’s 50m Breaststroke sa Nobyembre 5.