Parehong nakaranas nin “massive cyberattack” an Russia asin Ukraine sa saindang emergency alert systems kasunod kan pagtapos kan pinakahalawig na “truce” sa gerang nagpapadagos.
An emergency ministry kan Russia nagsabi na an saindang app, na nagbabala manungod sa drone attacks, tinamaan nin “false information” hale sa mga hackers.
Nagreport man an Ukraine nin pagka-kompromiso kan saindang air raid alert system, kun sain nagluwas an mga daing basehang alerto manungod sa radiation threat.
An mga cyber attack nangyari matapos an “ceasefire” sa Kherson region kan Ukraine kan Domingo, huli ta dai inako kan Russia an pagpalawig kan ini.
An temporaryong pagpundo sa labanan, na pinag-olayan ni US First Lady Melania Trump, nagtao nin dalan para sa humanitarian mission sa Russian-occupied na syudad kan Oleshky.
Mantang sinisisi kan Ukraine an Russia sa pag-atake, nagpapadagos an labanan sa ibang parte kan nasyon, kaiba an mga pag-atake sa oil refineries.
