Dai pigtugutan kan International Criminal Court (ICC) an kahagadan na gumamit nin tataramon na Tagalog sa opening statement kan paglilitis sa kasong crimes against humanity na kinakahampang ni dating Presidente Rodrigo Roa Duterte.
Sa ikalimang status conference, hinagad ni Paolina Massidda, Principal Counsel kan Office of Public Counsel for Victims, na tugutan na gumamit nin Tagalog sa pagheras nin nagkapirang salaysay kan mga biktima tanganing mas madaling masabutan kan mga Pilipinong masubaybay sa paglilitis an saindang mga agi-agi.
Alagad, iginiit ni Presiding Judge Joanna Korner na dapat magdanay na Ingles an tataramon na gagamiton susog sa mga patakaran kan korte.
Ipinaliwanag man niya na pwedeng gumamit nin interpretasyon asin magkaigwa nin salin kan mga transcript.
Mientrastanto, itinakda kan Trial Chamber III an iskedyul kan paglilitis sa tig-sarong oras na pagdangog na may kasunod na 30 minutong break, base sa napagkasunduan kan prosekusyon asin depensa.
Nakatalaang magpoon an mismong paglilitis sa Nobyembre 30, 2026.
