Nangapudan an sarong mambabatas an na dapat mahigot na bantayan an Pambansang Budget tanganing igwa nin magamit orog na kun igwa nin krisis, kalamidad, asin peligro arog kan Super El Niño.
Kaiba kaini, ipinanawagan man ni Mamamayang Liberal Party-list Rep. Leila de Lima an tuluyang pagpasar bilang ley kan Citizen Access and Disclosure of Expenditures for National Accountability o (CADENA) Act.
“Bantay-sarado dapat lagi ang Pambansang Budget, para may magamit lalo na ‘pag may krisis, sakuna at banta tulad ng Super El Niño,” an sabi ni ML Party-list Rep. De Lima.
Nakiayon an nasambit na mambabatas sa katuyohan na tulos ining maipasar bilang ley asin dai na matengga o mabinbin pa.
“Wag nang itengga: CADENA ACT, ISABATAS!,” dugang pa ni Rep. De Lima.
Magigirumduman na kan Disyembre 2025, inihain kan mambabatas an House Bill No. 6898 bilang katumbas sa Senate Bill No. 1506 ni Sen. Bam Aquino.
Katuyohan kan nasambit na panukala na seguraduhon an transparency asin pananagutan sa paggamit kan pondo kan banwaan.
Sa paagi kan ‘blockchain technology’, magkakaigwa nin ‘access’ an publiko dapit sa mga paggastos kan gobyerno.
Kaya man, hinimok ni Sen. Bam Aquino an Kamara na aksyunan an panukalang haros 11 bulan nang nakabinbin poon kan aprubahan sa Senado.
