Nagtao nin mahigpit na patanid si Pangulong Ferdinand Marcos Jr. sa mga local government unit o LGU laban sa posibleng pag-abuso sa pondong nakalaan para sa Disaster Rehabilitation and Reconstruction Assistance Program.
An patanid ipinahayag kan Pangulo durante kan ceremonial turnover kan pondo sa Malacañang Palace.
Segun sa Pangulo, mananagot sa batas an siisay man na mag-abuso o magpapakasasa sa pondong nakalaan para sa mga lugar na naapektaran kan mga kalamidad.
May kabuuang P8.5 billion pesos na pondo an inilaan kan gobyerno para sa mga LGU na naapektaran kan mga kalamidad hali 2024 sagkod 2026.
Binigyang-diin ni Marcos na an pondo iyo pera kan taongbayan asin dapat gamiton para sa rehabilitasyon asin rekonstruksyon kan mga komunidad na sinalanta kan kalamidad, imbes na pagkakitaan nin mga opisyal.
Nagpatanid man an Pangulo na bawal an ghost projects, pagkuha nin komisyon, asin paggamit nin mga substandard na materyales sa mga proyekto.
Hinikayat man niya an mga LGU na magserbi nin may integridad asin katapatan, asin siguraduhon na nakakaabot sa mga apektadong residente an tamang serbisyo asin tabang na dapat sainda.
