Padagos an ginigibong containment asin recovery operations kan Philippine Coast Guard (PCG) kontra sa oil spill sa kadagatan na sakop kan Barangay Ipag, Mariveles, Bataan kan nakaaging Nobyembre 6, 2026.
Pagkatapos kan operational briefing, nagdugang an PCG nin mga containment equipment asin nag-deploy nin absorbent pads asin oil booms tanganing mapugolan an paglakop kan natatadang lana asin mapadali an pagkokolekta kaini.
Base sa mga awtoridad, nagpoon nang sumailalim sa natural weathering an natatadang lana, sarong proseso na luway-luway na nakakatabang sa pagkaraot asin paglakop kaini sa tubig.
Mientras tanto, padagos an imbestigasyon kan PCG tanganing maaraman an ginikanan asin klase kan lana na imbwelto sa insidente.
Advertisement
Advertisement
