Plano nina Manila Rep. Bienvenido “Benny” Abante Jr. asin dating Surigao del Norte Rep. Ace Barbers, na personal bisitahon si dating House Speaker Ferdinand Martin Romualdez sa saiyang detention facility.
An saindang katuyuhan iyo na maaraman an kamugtakan ni Romualdez, orog na matapos ini maospital kasuarin pa sana.
Segun ki Rep. Abante, sa presente, an mga kapamilya asin abogado pa sana ni Romualdez an tinutugutan na makabisita.
Idinugang man ni Barbers na limitado pa an access sa detention facility, kaya kaipuhan ninda maghalat sagkod na tugutan an saindang pagbisita.
Nagkaibahan sa trabaho sa Kamara sina Abante asin Barbers kaiba si Romualdez bago pa man ini ma-detain.
Kan haputon kun ano an dadarahon niya kun matuloy an pagbisita, sinabi ni Abante, “Ako, an dala ko prayers.”
