Nakarehistro an Armed Forces of the Philippines (AFP) nin pinakadakol na monitored Chinese vessels sa West Philippine Sea.
Sinabi pa kan AFP na base sa monitoring kan Philippine Coast Guard (PCG), igwa nin 56 na sakayan kan China Coast Guard asin People’s Liberation Army Navy (PLA-N) kan nakaaging Agosto.
Ini an pinakahalangkaw na numero na naitala sa Bajo de Masinloc na igwang 23 na bapor kan China kabali an 14 na CCG asin siyam na bapor kan PLA-N.
Sinundan ini kan 18 barko sa Ayungin Shoal mantang sa Escoda Shoal siyam na Chinese vessels an pigmonitor ninda.
Sinabi kan tagapagtaram kan AFP para sa West Philippine Sea na si Retired Rear Admiral Roy Vincent Trinidad na nakatutok an saindang bulanan na pagmonitor sa pagpaabot sa publiko kan padagos na iligal na presensya kan mga sakayang pandagat kan China.
