Pigdeklarar na kan Africa Centres for Disease Control and Prevention (Africa CDC) an monkey pox komo public health emergency sa saindang nasyon.
Sigun sa grupo na nahahadit sinda huli ta marekas ining magkuriyat. Puon kaya kan Enero, labi 13,700 na an saindang nairehistrong kaso kun saen igwang 450 na an nagadan sa Democratic Republic of Congo.
Nagkuriyat naman an nasambitan ng virus sa kadakol na nasyon sa Africa siring sa Kenya, Rwanda, Burundi asin Central African Republic.
Nagpatanid man si Africa CDC head Jean Kaseya na enkaso dae ini natawan nin tolos na pansin an madidipisilan na sindang makontrol.
Huli sa pagdeklarar kan public health emergency matatabangan na kan mga gobierno na makipag-coordinate sa saindang pagresponde asin madugangan an pag-abot nin suplay nin bulong.
