Aftershocks na namatean sa nagkapirang banwaan sa Batangas, nagdadara nin takot sa mga tao

NAGA CITY- Nagdadara nin labing takot sa mga tao an mga aftershock na namatean sa nagkapirang mga banwaan sa Batangas.

Ini makalihis an nagtamang magnitude 5.5 na linog sa banwaan nin Tingloy subanggi.

Sigon sa nagkapirang mga residente hale sa ciudad nin Lipa, haros sunod-sunod an namatean nindang makukusog na aftershocks subanggi.

Labi man an pasasalamat kan mga residente huli naman ta mayong nangyaring maraot sa sainda makalihis an makusog na pagyugo-yugo.

Enot pa kaini, pinara man kan Philippine Institute of Volcanology and Seismology (Phivolcs) an paghandal kan publiko sa posibilidad nin pagkaka-igwa nin tsunami katakod kan nagtamang linog sa Batangas.