Byaheng Thailand si Ahtisa Manalo kan na nakalihis na aldaw nin dominggo, Nobyembre 2, tangananing magsabak sa Miss Universe 2025 Pageant.
Sa saiyang send-off event sa Ninoy Aquino International Airport, pigsabat si Ahtisa kan kadakol na tagasuporta.Sulot kaini an puting two-piece Filipiniana suit, saiyang Miss Universe Philippines sash, asin igwang kapot nin sadit na bandera kan Pilipinas.
Sa social media kan Miss Universe Philippines Organization, pigsaysay na pano nin pagpadaba asin pag-orgulyo an palupadan mantang naghahali si Ahtisa tanganing darahon an puso kan kada Pilipino sa International Stage.
Marurumduman si Ahtisa an pigkoronahan komo. Miss Universe Philippines 2025 kan Mayo.
Target ngunyan kan beauty queen na masungkit an ika-limang Miss Universe crown.
Mientrastanto nakatalaan man na ikundusir an Miss Universe 2025 sa Thailand sa Nobyembre 21.
