Nagpoon nang magbali si Ahtisa Manalo sa mga beauty contest kan sampulong taon pa sana siya.
Sa laog nin duwang dekada, dakol nang korona an saiyang nakua hali sa manlain-lain na beauty pageant.
Para ki Ahtisa, talagang magastos an pagbali, orog na sa mga national pageant, dugang pa kaini iba man an gastuson kan nagbali siya sa international pageant kan nakaaging taon.
Maroromdoman na si Fatima Bosch kan Mexico an kinoronahan bilang Miss Universe 2025, mantang si Ahtisa an nagtapos bilang 3rd runner-up sa nasabing international pageant kan nakaaging taon. Alagad, dakol na tagahanga kan dalaga an nagsasabing an Pilipinas kuta an nanggana sa nakaaging Miss Universe.
Mientrastanto, nagtao man nin reaksyon si Ahtisa manungod sa nagin pahayag ni Gloria Diaz dae pa sana nahahaloy. Sinabi kan Miss Universe 1969 na dakula na an pinagbago kan mga beauty pageant ngunyan.
