Nabigo sa qualifying round kan Singapore Tennis Open si Pinay tennis ace Alex Eala.
Dae kaini nakayanan an kusog ni Simona Waltert kan Switlzerland sa score na 6-3,6-2.An pagkagana sana para ki Eala an sierto na an paglaog kaini sa main draw kan torneo alagad pigbigla kan world number 167 na Swiss star an 19-anyos na Asian Games bronze medalist.
Nakakurit si Waltert nin siyam na aces kumparar sa duwang aces na nagibo ni Eala, asin igwa man ining 29 receiving points kontra sa 14 lamang ni Eala.
Masunod na makakahampang man kan 24-anyos na si Waltert si Alja Tomljanovic kan Australia para sa round of 32.
Marurumduman sa enot na round, dinaog ni Eala si Sara Saito kan Japan.
