Pasok na sa final round kan WTA 125 Birmingham Open si Pinay tennis star na si Alex Eala. Nangyari ini matapos kaining madaog si Rebeka Masarova kan Switzerland sa iskor na 6-2, 4-6 asin 6-3.
Bahagyang naantala an laban sa huring set huli sa makusog na uran.Matapos an haros sarong oras na pagkaantala, ipinadagos ninda an laban kun saen kapot pa giraray ni Eala an kalamangan na 5-2.
Tinapos tulos kan Pinay tennis star an laban asin sinelyuhan an saiyang pag-abot sa championship round kan torneo.
Sa pag-abot sa finals, may pagkakataon na naman si Eala na makadagdag nin panibagong tagumpay sa saiyang padagos na pag-asenso sa internasyonal na tennis.
Advertisement
Advertisement
