Posibleng makulong puon 609 hasta 1,218 taon sinda dating Bamban, Tarlac Mayor Alice Guo asin saiyang kapwa akusado enkaso mapatotoohan na guilty sa money laundering charges.
Sa pagpapadagos kan imbestigayson kan Senado sa pagdulag ni Alice Guo paluwas kan nasyon ngunyan na aldaw, sinaysay ni Anti-Money Laundering Council lawyer Adrian Arpon na sa irarom kan Anti-Money Laundering Act para sa Section A,B asin C, igwa nin katampad na 7 taon hasta 14 na taon an kada numero kan na-commit na money laundering.
Katakod kaini, ipinaalram ni Senate Deputy Minority Leader Risa Hontiveros, an chair kan subcommittee na nangangasiwa sa inquiry, ki Sheila Guo na present sa nasambitan ng pagdangog na posibleng ining makulong kaiba sinda Alice asin iba pa nin lampas pa sa sarong lifetime.
