Nagsangat na nin kaso an Philippine National Police (PNP) kontra sa ama kan estudyante na imbuelto sa pambabadil sa Zamboanga.
Kinasuhan na man an mga security personnel kan nasabing eskwelahan.
An duwa napapaatubang sa kasong reckless imprudence na nagresulta sa homicide, physical injury.
Segun sa Police Regional Office 9, iyo an nangenot sa imbestigasyon, igwa na sinda nin supisyenteng ebidensiya na natipon sa saindang mahiwas na imbestigasyon.
Dugang pa ninda na malinaw an kapabayaan kan ama huli ta nakua kan saiyang aki an saiyang pig-isyu kan gobyerno asin personal na badil.
Mantang an mga dai pinangaranan na security personnel kinasuhan makalihis an kapabayaan huli sa pagtugot na makalusot an badil.
Nagluluwas man sa imbestigasyon kan mga awtoridad na mayong ebidensiya na ginibo kan krimen kan ibang grupo.
