Aprubado na sa ikatolo asin huring pagbasa kan Senado an propwestong ley na nagbabawal sa Philippine Offshore Gaming Operators (POGO) sa nasyon.
Pigdeklarar kan Senate Bill 2868 o an Anti-POGO Bill na an offshore gaming operations sa nasyon an pagbalgar sa ley. Gabos kan 23 mga senador an nagboto nin pabor sa nasambitan ng propwestong ley.
Sinaysay ni Senador Sherwin Gatchalian na an pagsasabatas kan sarong propwestong nagpapatibay sa pagbabawal kan gobyerno sa gabos nin POGO an makakatabang tanganing masierto an ganap na pagpapahali sa mga natatadang bakas kan POGO asin masierto man na an pagbabawal an mapadagos maski natapos na an presenteng administrasyon.
Pigsusugo kan propwestong ley an pagkumpiskar kan gabos nin pagsasadiri asin kagamitan na may kinaaraman sa POGO tanganing malikayan an liwat paggamit kan mga ini sa ilegal na operasyon.
Marurudoman, nangapodan si Hontiveros sa malakanyang na suportaran an pigbubusol kan Senado na propwestong ley.
Ini an tanganing bako sana soboot nakadepende sa kasugoan kan executive branch an polisiya kan pagbabawal kan POGO sa nasyon.
Soboot, dapat magpasar nin sarong malinaw, kumpleto asin comprehensive anti-POGO bill tanganing masierto na dae na liwat magsulpot an POGO sa Pilipinas.
