Piglalaoman na magigin sentro sa presente an global economic challenges sa magigin enot na punto kan Asia-Pacific Economic Cooperation (APEC) Leader’s Meeting sa Oktubre.
Mahirilingan digdi an mga lideres kan 21 miyembro kan APEC sa South Korea. An pagtiripon importante mantang padagos na nahahampang an rehiyon sa mga hamon sa komersyo, digital na pagbabago, asin polisiya.
Piglalaoman an mga bilateral sidelight meetings, Kairiba an paghirilingan ninda US President Donald Trump asin Chinese President Xi Jinping.
Sigun ki Eduardo Pedrosa kan APEC Secretariat, patunay ini sa importansiya kan APEC komo plataporma kan dayalogo asin kooperasyon. Ikukundusir an pagtiripon sa irarom kan temang “Building a Sustainable Tomorrow: Connect, Innovate, Prosper.”
Maeenot an mga pagtiripon kan mga ministro asin senior officials magpuon Oktubre 27 hasta Nobyembre 1 sa Gyeongju. Target kan mga lideres na ibusol an APEC Putrajaya Vision 2040 asin Aotearoa Plan of Action tanganing mas inklusibo asin matatag an pag-uswag.
