Liwat na pigbasura kan judge an apelar kan singer na si Sean “Diddy” Combs na makapagpiyansa ini.
Ini na an pantolong beses na sayumahan kan korte an nasambitan ng hirit kan kampo kan singer mantang pighahalat an pagdangog sa mga kasong sex trafficking asin racketeering conspiracy.
Pigsaysay ni Judge Arun Subramanian, na an desisyon matapos an pigsagibong pagdangog kan nakalihis na semana kun saen saiyang pigpartisiparan tanganing makanap nin mga potensiyal na options asin pagkuwestiyon sa alegasyon kan prosecutors.
Nakasaysay pa sa desisyon kan huwis na malinaw na nahiling kan korte asin sinda an nakumbinsi na mayong kondisyon o kombinasyon kan kondisyon na masisierto an kaligtasan kan komunidad.
