Maabot sa 3,057 na mga estudyante an nabenepisyaran kan Naga City ARAL Program na may katuyuhan na masimbagan an mga kulang sa pag-adal sa numeracy asin literacy sa paagi nin dagdag na pagtukdo asin suporta sa pag-adal.
Sa intrevista kan Bombo Radyo Naga ki Michael A. Del Rosario, OIC Assistant Schools Division Superintendent – SDO Naga City, sinaysay kaini na suportado ini kan 275 teachers gikan sa DepEd asin 105 hasta 190 external volunteers.
Bilang resulta, mas dakol na estudyante an napaoswag an saindang mga abilidad sa pagbasa asin matematika.
An programa nagresulta man sa mas marhay na performance kan ciudad sa mga assessment arog kan Rapid Mathematics Assessment asin Phil-IRI.
Sa ibong kan mga angat sa nagkapirang lugar, an programa nagpapadagos sa katuyuhan na maseguro na mayong estudyante na mawawalat asin mapauswag an kalidad kan edukasyon, orog na para sa mga estudyante sa mga hararayong lugar kun saen limitado an access sa mga tutor.
Sa ibong kaini, padagos an paghihingoa na maseguro na mayong estudyanteng mawawalat asin an gabos matawan nin magkakanigong suporta sa saindang pag-adal.
