Aram baya nindo mga ka-bombo, pigkumpirmar kan Guinness World Records na an pigmirar komo pinakagurang na tawo sa kinaban an gikan sa Britain.
Ini an pigbisto na si Ethel Caterham, 115-anyos na kun saen saiyang nareseber an rekognasyon ngunyan na semana.
Si Caterman pigbisto kan Guinness makalihis man na bawian nin buhay si Inah Canabarro Lucas, sarong madre sa edad na 116-anyos.
Katakod kaini, si Caterham an maikokonsederar man na pinakajoven na nagkapot kan titulo sa laog kan haros 12 taon susog sa record-keeping reference publication.
Ini an nakaistar sa Surrey alagad ipinangaki kan August 21, 1909 sa Shipton Bellinger, Hampshire, sarong village na kun saen an populasyon sana sa presente an nagpapakol sa 1,500 asin makukua haros 12 milya sa norte kan siyudad nin Salisbury.
Mientrastanto, nagtrabaho man si Caterham komo sarong kasambahay kun saen kinaipuhan kaining magbalyo sa India sa edad na 18-anyos.
Digde kaini nabisto si British Army Maj. Norman Caterham kan 1931 asin makalihis an duwang taon sinda an nagpakasal.
Nagkaigwa nin duwang aki an mag-agom antes na bawian nin buhay si Norman kan taong 1976.
