Aram baya nindo mga ka-bombo, an Police asin animal rescue officers kan Missouri an tolos na nagresponde tanganing maisalbar an sarong babae na na-stranded sa kayak makalihis na purbaran na isalbar an sarong Ido na nahulog sa nagyeyelong salog.
Sa social media post kan Holts Summit Police Department, nakareseber soboot sinda nin report na igwang Ido na nahulog sa nagyeyelong salog harani sa Dogwood Drive asin Summertree Lane.
Pag-abot kan mga rescuers sa lugar digde na ninda nahiling an babae na pusog an boot na pigpurbaran na isalbar an Ido sa paagi kan paglunad sa kayak.
Sigun pa sa mga otoridad, mantang an Ido an matrayumpong naisalbar, an babae an na-stranded sa lugar.
Naggamit nin water rescue throw bag an mga kapulisan tanganing maihali an babae gikan sa nagyeyelong salog.
Sa ngunyan, pigkumpirmar kan Holts Summit Police Department na salbado na an nasambitan ng babae asin an Ido.
