Nanlamasa ngunyan na aldaw sa Norteng baybayon kan Vietnam an bagyong Wipha (dating Crising) na dara an 50 centimeter kan uran na posibleng magkawsa nin pagbaha asin landslide.
Sigun sa national weather forecast agency, nasa 60 kilometro gikan sa siyudad kan Haiphong an bagyo, taglay an duros na nag-abot sa 102 km/h asin naghihiro pasulnupan sa rekas na 15 km/h.
Piglalaoman na magla-landfall ini sa mga probinsiya kan Hung Yen asin Ninh Binh ngunyan na bangi asin maluya komo low-pressure area.
Mayo pang naireport na danyos o binawian nin buhay sa presente.
Kan nakalihis na Domingo, pigsairarom na ni Vietnam Prime Minister Pham Minh Chinh sa state of emergency an mga coastal provinces komo preparasyon sa bagyo.
Mientrastanto, naka-standby naman an mga otoridad asin pigkanselar naman an klase, biyahe sa mga palupadan, kadagatan asin iba pa. kinansela at
