Binisto an Barangay Carolina bilang saro sa mga nanginginot na barangay sa pagpapatupad nin mga programang pangnutrisyon makalihis ining mapabilang sa Top 7 sa 27 barangay sa isinagibong Nutrition Program Assessment kan lungsod.
Sa intrevista kan Bombo Radyo Naga kay Kapitan Leoncio Libuit, kan Barangay Carolina Naga City, patunay an naturang pagbisto na epektibo an mga programang saindang ipinatutupad para sa mga aki asin pamilyang nangangaipuhan nin tamang nutrisyon. Aniya, an pagbisto ay bunga kan iribahang pagtatabangan kan barangay, mga barangay nutrition scholars, health workers, asin mga residente.
Tig esplikar kaini na isinasaalang-alang sa isinagibong ebalwasyon an bilog na kamugtakan kan nutrisyon sa barangay, kabilang an pagbabantay sa mga aking kulang sa timbang, malnourished asin stunted, gayundin an mga hakbang na tig implementar tanganing mabawasan an mga ini.
Maski may suportar hale sa pamahalaang lungsod asin mga pambansang ahensya, sinabi kan opisyal na an aktuwal na pag iimplementar nin mga programa ay nasa kamot kan barangay. Kabilang sa mga ini an regular na nutrition education, monitoring nin kamugtakan kan mga aki, feeding activities, asin pagpapaigting nin kampanya sa kalinigan asin tamang sanitasyon.
Segun pa sa opisyal, dakulang tabang an aktibong pakikibali kan mga magurang asin residente sa mga programa kan barangay. Gayunman, aminado ining may pirang magurang pa ding kaipuhang ma enkanar na mas magin responsable sa pag aataman sa kalusugan asin nutrisyon nin saindang mga aki.
Sa balyo kaini, sinuguro kan Barangay Carolina na magpapadagos an saindang mga programa asin kampanya tanganing mapatinir asin higit pang mapamaray an kamugtakan nin nutrisyon kan saindang komunidad, lalo na an mga kaakian.
