Nagpahayag nin pagdududa si House prosecution spokesperson Ace Barbers na kayang pabulaanan kan depensa ni Vice President Sara Duterte an mga ebidensya manungod sa saiyang sinasabing dai maipaliwanag na yaman.
Segun ki Barbers, matibay an mga ebidensya huli ta kaiba digdi an mga Statement of Assets, Liabilities and Net Worth (SALN), tax returns, asin bank records na mismong pinirmahan kan Bise Presidente.
Nakasentro an mga akusasyon sa dai maipaliwanag na yaman, salang deklarasyon sa SALN, asin ipinagbabawal na interes sa negosyo.
Iniharap man kan prosecution an pagsusuri kan financial forensic analyst na si Alexander Cabrera, na nagtaya nin P817.87 milyon na sinasabing dai naideklarang ari-arian asin dai maipaliwanag na yaman ninda Duterte asin kan saiyang agom na si Manases Carpio puon 2022 sagkod 2025.
Sa impeachment proceedings, Article II na sana an natatada matapos na iurong an tulong Articles of Impeachment.
Sa ibong kan matibay na ebidensya, inaasahan pa man giraray an simbag asin depensa kan kampo kan Bise Presidente sa mga akusasyon.
