NAGA CITY – Kinumpirmar mismo ni Leslie De Lima na sinayumahan niya an mga pig-opresir saiya kan manlaen laen na eskwelahan sa National Capital Region (NCR).
Sa eksklusibong entrevista kan Bombo Radyo Naga ki De Lima, sinaysay kaini na aki pa siya kung kaya dae muna niya inako an mga pig-opresir na scholarship sa ibang lugar.
Sa ibong kaini, nagpasalamat man si De Lima sa suporta na pigtatao sa saiya na nagresuta sa pagkakasungkit niya kan tolong magkakasunod na bulawan sa manlaen laen categorya sa pagdalagan.
Sa ibong na lado, enkaso mapabale sa Asian Games, preparado man soboot si De Lima na magpasairarom sa mahigot na training mantang nakasulot nin sapatos.
Marurumduman na mas nabisto si De Lima sa bilog na nasyon huli sa pagdalagan kaini na nakabitis sana.
Mientrastanto, sa parte man ni Head Coach Efren Bono, aminado ining nahahandal siya na tibaad maguyod kan ibang lugar si Leslie huli sa wala tuong nag-iilusyon digdi.
Marurumduman na enot naman na pigsierto ni DepEd Bicol Regional Director Gilbert Sadsad na aatamanon nindang marhay an matitibay na parakawat sa Bicol huli ta piglalaoman na nindang nagkapirang mga rehiyon an pupurbaran na kuanon an mga ini nganeng makabale sa saindang deligasyon sa mga masunod na sporting event.
