NAGA CITY- Bilyun-bilyong piso an nakalaog sa bank account ni suspended Bamban, Tarlac Mayor Alice Guo sa laog nin tolong taon o puon 2019 hasta 2022.
Ginibo ni Sen. Sherwin Gatchalian an rebelasyon mahalihis ihayag kan Anti-Money Laundering Council (AMLC) na ipinag-sugo kan Court of Appeals an pag-freeze sa bank accounts asin assets ni Guo asin iba pang indibidwal na soboot embwelto sa iligal na aktibidad kan Philippine Offshore Gaming Operations (POGO).
Alagad dae naman sinaysay kun maggurano an kabilogang kantidad kan naglaog sa accounts ni Guo. Kabila sa pina-freeze kan CA an 36 bank accounts ni Guo, 12 land holdings, 12 mga behikulo asin sarong helicopter.
Dae pigsaysay ni Gatchalian kun gikan sa China an dakulang kantidad nin kwarta na naglaog sa bank account ni Guo.
Pigsierto ni Gatchalian na igwa man nin paninimbagan an mga bangko nin huli ta dakula an saindang pagkukulang sa dae pagre-report kan mga kahina-hinalang tsansaksiyon.
Pigbuyagyag man ni Gatchalian an posibleng igwa nin sabwatan kaya dae tulos ini naireport sa Anti-Money Laundering Council.
