NAGA CITY-Pinagsugo ni Bureau of Internal Revenue(BIR) Commissioner Romeo Lumagui Jr. na busision an mga pangaran asin entities na nasambit sa Senate inquiry laban ki Bamban Mayor Alice Guo.
Sigun ki Lumagui, pag nahiling nindang may nagibong tax evasion si Guo, idadagos ninda an necessary enforcement activities siring kan pagsusunad nin tax evasion cases.
Pigsabihan naman soboot kaini an bilog na ahensya na makipag-kooperar sa Senado asin imbestigaran an mga pangaran asin yaman kan mga nasambit.
Pigwe-welcome soboot kan BIR an mga informants na posibleng makatao nin dokumento o ebidensya manunungod sa auditing ki Mayor Guo.
