Liwat bubukasan kan Philippine National Railways (PNR) an biyahe kan tren gikan Calamba, Laguna hasta Lucena, Quezon asin pabalik puon sa Lunes, Hulyo 14, 2025.
Sigun sa PNR, an pagbabalik-operasyon an katakod sa direktiba ni Presidente Ferdinand Marcos Jr. na siertohon an salbado asin maginhawang paglalakbay kan mga pasahero.
Babagtason kan ruat an mga istasyon sa Lucena, San Pablo, asin Calamba, pati na man an mga flagstop sa Sariaya, Lucutan, Candelaria, Tiaong (Lalig), IRRI, College, Los Baños, Masili, asin Pansol.
An pamasahe an nasa dating P15 hasta P105, mantang igwa nin diskuwento para sa mga senior citizen, PWD, asin estudyanteng may valid ID.
Marurumdoman, nauntok paramientras an biyahe kan Hunyo 17 para sa pagpapakarhay kan mga tren. Parte man ini kan pagpreparar sa paglipat kan mga tren gikan Maynila pasiring Quezon asin Bicol.
